Бишкек, 19.11.2024. / Кабар /. Бишкек шаарынын мэриясында кадрдык өзгөрүүлөр болду.
Муниципалитеттен билдиришкендей, ротация жолу менен Уран Мусаев Бишкек мэриясынын жеке турак жай курулушу жана шаар куруу департаментинин директору болуп дайындалды.
Ал буга чейин мэриянын муниципалдык мүлктү башкаруу департаментинин директору болуп иштеген.
Тиешелүү буйрукка Бишкек шаарынын мэри Айбек Жунушалиев кол койду.
