Бишкек, 17.11.2024. / Кабар /. Ысык-Көл облусунда саат 14:00гө карата 47 612 шайлоочу добуш берди.
Президенттин Ысык-Көл облусундагы өкүлчүлүгүнөн маалымдашкандай, жергиликтүү кеңештерге шайлоо тынч жана уюшкандыкта өтүүдө.
Ысык-Көл облусу боюнча шайлоочулардын саны - 346 миңден ашуун. Жалпы мандаттардын саны - 625 (25 жергиликтүү кеңеште). Шайлоо участкаларынын саны - 249.
Шайлоо учурунда коомдук коопсуздукту камсыздоо үчүн милиция күчөтүлгөн режимде иш алып барууда.
